Á vefsíðu Ullunga birtist skemmtileg frásögn af afrekum Ullunga í Orkugöngunni. Við tökum okkur leyfi til að birta frásögnina.

Hafið bestu þakkir fyrir komuna og sjáumst að ári!

Úrslit úr Orkugöngunni (Buch-Orkugöngunni) eru komnar á vefinn www.volsungur.is

Aðstæður til keppni voru krefjandi og seinka þurfti rástíma um 2 klst vegna skafrennings á efri hluta leiðarinnar, en gengnir voru 50 km.
Besta tíma göngunnar náði Birkir Þór Stefánsson, Ströndum en hann gekk á 03:17:28

Tími fimm efstu manna er svohljóðandi;
Birkir Þór Stefánsson, Ströndum 03:17:28
Gunnlaugur Jónasson, Ullur 03:24:16
Magnús Eiríksson, Siglufjörður 03:27:19
Örn Sigurðsson, Húsavík 03:33:55
Höskuldur Skúli Hallgrímsson, Húsavík 03:37:37

Bestum tíma í kvennaflokki náði Guðrún Pálsdóttir, Siglufirði á 04:35:07 og þar á eftir komu
Guðrún Jóhannsdóttir, Ísafirði á 05:11:18 og Bynhildur Gísladóttir, Húsavík á 05:14:23

Heildarúrslit í öllum flokkum og vegalengdum má sjá í meðfylgjandi excel skjali orkug2013urslit

Við viljum þakka öllum keppendum, starfsmönnum og styrktaraðilum kærlega fyrir þátttökuna og veittan stuðning.
Sjáumst í Orkugöngunni að ári eða laugardaginn 12. apríl 2014.

Við hvetjum alla þá sem ætla að taka þátt í Orkugöngunni, hvort heldur sem um er að ræða 60 km göngu frá Mývatnssveit til Húsavíkur eða göngu í styttri vegalengdum 20 km, 7 km og 1 km sem gegnar eru á svæði gönguskíðamanna á Reykjaheiði að skrá sig hér

Á skráningarsíðunni er einnig að finna allar upplýsingar um skráningargjöld og skil á þeim.

Verið velkomin í Orkugönguna

Ræsing í 60 km gönguna er kl. 10. Gengið frá Kröflu við Mývatnssveit í átt að Húsavík.
Rútuferð frá Húsavík (Íþróttahöllinni) að morgni göngudags kl. 07:45.

Ræsing í 20 km gönguna er kl. 13. Gengið verður á gönguskíðasvæðinu á Reykjaheiði.
Ræsing í 7 km og 1 km göngur er kl. 13. Gengið á gönguskíðasvæðinu á Reykjaheiði.

Fyrir þá sem ekki þekkja til!. Þegar komið er til Húsavíkur er húsnæði Íslandspóst á hægri hönd, þar er beygt til hægri og keyrt uppá Hólinn (eins og við köllum svæðið) eins og leið liggur. Frá spennistöð eru ca 6 -7 km upp að gönguskíðasvæðinu.

Tekin hefur verið ákvörðun um að halda Orkugönguna nk. laugardag 20.april. Dagskrá verður með hefbundnu sniði.
Skráning og pastaveisla í Jarðböðunum Mývatnssveit föstudag frá kl. 18 – 21.
Brottför  í rútu, fyrir þá sem eru að fara í 60 km gönguna, frá Húsavík laugardag kl. 07:45
Ræsing í 60 km Orkugönguna laugardag kl. 10.
Rásmark er ofan við Kröflusvæðið.

Styttri vegalengdir verða á svæði gönguskíðamanna á Reykjaheiði.
20 km – 7 km og 1 km vegalengdir. Ræsing kl. 13.

Kaffisamsæti og verðlaunaafhending verður frá kl. 16:00

Þeir sem voru búnir að skrá sig vinsamlegast staðfestið skráningu ykkar vegna 20. apríl á netfangið info@orkugangan.is í síðasta lagi á miðvikudag 17.april nk.

Nánari upplýsingar koma á vefsíðunni í vikunni.

Vegna ótryggs veðurútlits hefur stjórn Orkugöngunnar tekið þá ákvörðun að fresta göngunni um óákveðinn tíma.
Þetta á við um allar vegalengdir, 60 km – 20 km – 7 km og 1 km.

Tilkynning um nýjan göngudag verður gefin út síðar.

Fyrir þá sem eru að fara í 60 km Orkugönguna;
Boðið er upp á rútuferð frá Húsavík í Mývatnssveit (start við Kröflu) og er brottför á laugardagsmorgni frá Íþróttahöllinni Húsavík kl. 07:45
Þeir sem vilja nýta sér rútuferðina vinsamlegast sendið póst á info@orkugangan.is

Í göngunni verða drykkjarstöðvar á 10 km fresti – orkudrykkur, bananar, súkkulaðikex. Hressing þegar komið er í mark.
Verðlaunaafhending og kaffisamsæti í Fosshótel Húsavík frá kl. 16:00

Aðstæður á gönguleiðinni og Reykjaheiði eru frábærar og  nægur snjór.

Vilborg Arna Gissurardóttir er meðal þátttakenda í Orkugöngunni, en hún stefnir á 20 km göngu að þessu sinni.
Að kvöldi laugardagsins 13. apríl kl. 20 flytur Vilborg Arna erindi sitt „ Lífs-spor sóló á Suðurpól -kraftur markmiða og drauma“

Frítt fyrir þátttakendur Orkugöngunnar.

Þar sem Orkugöngunni hefur verið frestað fellur fyrirlestur Vilborgar Örnu niður á laugardagskvöldinu.

Búið er að troða góða braut af Reykjaheiði upp í Sæluhúsmúla ( Veigubúð) Leiðin frá aðstöðu gönguskíðamanna (þangað er akfært frá Húsavík) að Veigubúð og til baka eru 24 km.
Frábært veður og færi.
Upplagt fyrir alla að taka góða upphitun fyrir Orkugönguna, hvort sem þú ætlar að taka þátt í 60 km, 20 km eða 7 km vegalengd þann 13. apríl nk.
Gleðilega páskahátíð!

Við viljum minna ykkur á skráningu í Orkugönguna sem fram fer laugardaginn 13. apríl nk.
Skráningu lýkur fimmtudaginn 11. apríl. Nauðsynlegt er að skrá sig í allar vegalengdir!
Boðið er uppá 60 km göngu frá Kröflu í Mývatnssveit til Húsavíkur. Ræsing kl. 10
Einnig verður boðið uppá 20 km göngu, frá Sæluhúsmúla “Veigubúð” til Húsavíkur. Ræsing kl. 12
Styttri vegalengdir 7 km og 1 km á svæði gönguskíðafólks á Reykjaheiði. Ræsing kl. 13

Aðstæður eru frábærar á Reykjaheiði og það er nægur snjór frá Mývatnssveit til Húsavíkur. Stefnt er að troðslu brautar frá “Veigubúð” / Þeistareykjum til Húsavíkur um páskana en nánari upplýsingar verða settar inn þegar nær dregur.