Helstu upplýsingar um Orkugönguna 2016

Eins og fram hefur komið verður Orkugangan 2016 haldin næstkomandi laugardag, 9. apríl. Í ár verður boðið upp á 25 km, 10 km og 2,5 km göngu. Það ætti því allir að geta fundið sér vegalengd við hæfi.

Allar göngurnar verða ræstar af stað klukkan 11:00 en afhending mótsgagna hefst klukkan 09:00 á laugardagsmorgun við skíðagöngusvæðið á Reykjaheiði.

Rásmark í 25 km göngunni er við Þeistareyki, 10 km göngunni við Höfuðreiðarmúla og að lokum er 2,5 km gangan gengin á skíðagöngusvæðinu.

Boðið er upp á rútuferðir að rásmarki í 25 km og 10 km göngu og leggur rútan af stað frá plani skíðagöngusvæðisins á Reykjaheiði klukkan 09:45. Rútan er innifalin í keppnisgjaldi.

Veðurútlit er með fínu móti. Spáð er hæglætis veðri fyrir laugardaginn. Fyrir þá sem vilja kynna sér veðurspána nánar er hægt að fara inn á yr.no og stimpla þar inn annaðhvort “Höskuldsvatn” eða “Þeistareykir” til að fá veðurspá fyrir það svæði sem gangan fer fram á.

Skráning er með góðu móti og verður hægt að skrá sig á staðnum. Hinsvegar hvetja starfsmenn göngunnar fólk til að skrá sig með fyrirvara til að ainfalda úrvinnslu á staðnum.

Sjáumst í Orkugöngunni á laugardaginn.

Orkugangan á laugardaginn kemur og enn er opið fyrir skráningu

Skíðasamband Íslands vill vekja athygli á Orkugöngunni sem er liður í Íslandsgöngunum á skíðum og mun fara fram á Reykjaheiði laugardaginn 9. apríl og verður ræst kl 11:00 í allar vegalengdir. Í Orkugöngunni verða gengnir 25 km en einnig veður í boði að ganga 10 km og 2,5 km fyrir 12 ára og yngri. Athygli er vakin á því að kl 9:45 fer rúta frá marksvæðinu á Reykjaheiði að rásmarki 10 km göngunnar og að rásmarki 25 km göngunnar á Þeistareykjum.

Kjötsúpa og verðlaunaafhending verður síðan í salnum á Dvalarheimilinu Hvammi á Húsavík frá kl. 14:00 – 15:00.

Nú er lokið fyrstu þremur Íslandsgöngunum, það er á Ólafsfirði, í Hlíðarfjalla og í Bláfjöllum og hafa yfir 100 einstaklingar verið þátttakendur. Vonir standa til þess að þátttakan í Orkugöngunni verði góð og með því styður skíðagöngufólk starfsemina á svæðinu. Þátttakendur fá verðlaunapeninga fyrir framgöngu sína, auk þess sem þrír fyrstu í hverjum flokki karla og kvenna í fjórum aldursflokkum 16-34 ára, 35-49 og 50-59 ára og 60 ára og eldri eru heiðraðir sérstaklega. Allir þeir sem taka þátt í Íslandsgöngunni fá stig fyrir þáttökuna og að lokinni Fossavatnsgöngunni í vor verða krýndir meistarar í hverjum flokki.

Fjöldi skíðagöngufólks stefnir á að taka þátt í Fossavatnsgöngunni sem er lokaganga Íslandsgöngunnar og hin erfiðasta og það er fátt betra til undirbúnings henni en að taka þátt í styttri göngum, eins og Orkugöngunni. Sporið í Orkugöngunni liggur alla jafnan um tiltölulega flatt land þannig að minna vant skíðagöngufólk þarf ekki að kvíða bröttum brekkum.

Allar nánari upplýsingar er að finna á heimasíðu Orkugöngunnar www.orkugangan.is.

SKÍ hvetur allt skíðafólk til þess að taka þátt í þeirri skíðahátíð sem Íslandsgangan er á hverjum stað og bent er á að með þátttöku er einnig stutt fjárhagslega við skíðafélag viðkomandi staðar.

mynd

 

skráning og frekari upplýsingar

Orkugangan 2016 fer fram næstkomandi laugardag, 9. apríl. Skráning er opin og verður opin fram að því þegar rúta leggur af stað að rásmarki klukkan 09:45.

Í göngunni er boðið upp á 25 km göngu og 10 km göngu. Í 25 km göngunni er einnig boðið upp á flokk með frjálsri aðferð. Einnig verður boðið upp á 2,5 km göngu fyrir 12 ára og yngri. Það ættu því allir að finna sér vegalengd við hæfi. Innifalið í skráningargjaldi er rútuferð að rásmarki í 25 og 10 km göngu.

Allar frekari upplýsingar um dagskrá, skráningu, flokkaskiptingu og rástíma má sjá að neðan.

Laugardagur 9. apríl:
09:00 – afhending mótsgagna hefst á svæði skíðagöngudeildar á Reykjaheiði.
09:45 – Rúta leggur af stað frá svæði gönguskíðafólks að rásmarki í 25 og 10 km göngum. Rútan er innifalin í skráningargjaldi.

Rástímar:
Buch gangan 25 km: kl. 11:00
Buch gangan 10 km: kl. 11:00
2,5 km fyrir 12 ára og yngri kl. 11:00
Verðlaunaafhending og kjötsúpa í salnum hjá Dvalarheimilinu Hvammi á Húsavík frá kl. 14:00 – 15:00.
Athugið opið í Sundlaug Húsavíkur til kl. 18:00

Drykkjarstöð verður á leiðinni í 25 km göngunni.

Skráningargjald:
25 km ganga – 5.000 kr
10 km ganga – 3.000 kr
2,5 km ganga – ókeypis

Skráning er opinn fram að göngu. Hinsvegar óska starfsmenn göngunnar eftir að flestir skrái sig í gegnum netfangið info@orkugangan.is til að einfalda alla vinnslu í kringum gönguna.

Innifalið í skránignargjaldi er rútuferð að rásmarki í 25 og 10 km göngu. Rútan leggur af stað frá svæði skíðagöngufólks á Reykjaheiði klukkan 09:45

Aldursflokkar:
25 km: 16-34 ára, 35-49 ára, 50- 59 ára og 60 ára og eldri hjá hvoru kyni
10 km og 2,5 km : Einn opinn flokkur hjá hvoru kyni

Rástímar:
25 km ræsing frá Þeistareykjum kl. 11:00
10 km ræsing rétt ofan við skíðagöngusvæði á Reykjaheiði kl. 11:00
2,5 km vegalengd er gengið á svæði gönguskíðafólks á Reykjaheiði, ræsing kl. 11:00